Twitter запусціць свой аналаг YouTube
Новы сэрвіс атрымае назву Twitter Video Player.
Сэрвіс мікраблогаў Twitter у хуткім часе запусціць уласны аналаг YouTube. Новы сэрвіс атрымае назву Twitter Video Player і ў ім будзе рэалізавана падтрымка самых папулярных відэафарматаў. Аднак, працягласць кожнага відэа не павінна перавышаць 10 хвілін, інфармуе УНІАН.
На Twitter Video нельга будзе змяшчаць карыстальнікам рэкламу і рэдагаваць загружаныя відэа.
Як вядома, колькасць карыстальнікаў сацсеткі абмену фота Instagram перавысіла за 300 мільёнаў. Гэта дала ёй шанец абыйсці па гэтым паказчыку сэрвіс мікраблогаў Twitter. У апошняга, паводле апошніх дадзеных, каля 284 млн карыстальнікаў.
Фота: Reuters