“Тытанавыя ціскі” & “сталёвыя яйцы” — хто каго дацісне?
Міжнародная арганізацыя працы не стала прымяняць у дачыненні да Беларусі “выключную меру” і рэкамендаваць кіраўніцтвам краін прыпыніць усялякія адносіны з беларускім рэжымам. Здарылася гэта дзякуючы пазіцыі Беларускага кангрэса дэмакратычных прафсаюзаў, які папрасіў МАП не прымяняць такую меру ўздзеяння да афіцыйнага Мінска.
Што прымусіла кіраўніцтва Беларускага кангрэса дэмакратычных прафсаюзаў заняць такую “антысанкцыйную пазіцыю”? Ці сапраўды лідары прафсаюза такім чынам клапоцяцца пра дабрабыт шараговых беларусаў? Чаму “тытанавыя ціскі МАП” не спрацавалі раней у выпадку з беларускім рэжымам? На гэтыя ды іншыя пытанні адказвае старшыня Беларускага кангрэса дэмакратычных прафсаюзаў Аляксандр Ярашук.
