У акцёраў Ідрыса Эльбы і рудога Тормунда з "Гульні тронаў" выявілі каранавірус
Чарговыя вядомыя акцёры захварэлі на каранавірус. 47-гадовы Ідрыс Эльба паведаміў пра гэта ў Twitter. "Я адчуваю сябе добра, у мяне няма ніякіх сімптомаў, але я быў ізаляваны, — піша ён. — Заставайцеся дома і не панікуйце". Акцёр паабяцаў расказваць пра свае справы.
Нарвежскі акцёр Крыстафер Хіўю, вядомы па ролі рудога Тормунда з "Гульні тронаў", напісаў у Instagram, што інфікаваны COVID-19. Ён знаходзіцца дома ў ізаляцыі разам са сваёй сям'ёй. Акцёр супакойвае: хвароба ў яго ў лёгкай форме, як звычайная прастуда.
Напярэдадні стала вядома, што захварэла галівудская актрыса ўкраінскага паходжання Вольга Курыленка. А вось акцёра Тома Хэнкса і яго жонку Рыту Уілсан у Аўстраліі ўжо выпісалі з бальніцы.
This morning I tested positive for Covid 19. I feel ok, I have no symptoms so far but have been isolated since I found out about my possible exposure to the virus. Stay home people and be pragmatic. I will keep you updated on how I’m doing No panic. pic.twitter.com/Lg7HVMZglZ
— Idris Elba (@idriselba) March 16, 2020
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
