У Бабруйску працягваецца галадоўка сябраў Свабоднага прафсаюзу

У Бабруйску галадоўку праводзяць сябры Свабоднага прафсаюза беларускага Мікалай Жыбуль, Алег Шаўчэнка, Аляксандр Варанкін і Аляксандр Грамыка. Вось што распавёў пра мэту акцыі ў інтэрв'ю Еўрарадыё адзін з яе ўдзельнікаў Мікалай Жыбуль:

"Асноўнае патрабаванне: мы хочам працаваць, каб аднавілі на працы. На наш погляд, не па-чалавечы з намі паступілі. З-за сяброўства ў свабодным прафсаюзе нас выкінулі на вуліцу".

Учора актывісты праводзілі галадоўку ў будынку гарвыканкама, але адтуль іх двойчы выводзілі. Апошні раз пагражалі адміністрацыйным арыштам за "несанкцыянаванае мерапрыемства".

Паводле слоў сябраў СПБ, іх галадоўка працягнецца два дні.

Звольненыя ў Бабруйску рабочыя будуць працягваць галадоўку

Фота — svaboda.org