У Беларусь прыедзе міністр замежных спраў Германіі
У Беларусь прыедзе віцэ-канцлер, федэральны міністр замежных спраў Германіі Зігмар Габрыэль. Яго рабочы візіт адбудзецца 17 лістапада. Прэс-служба МЗС Беларусі адзначае, што запланаваная сустрэча Габрыэля з міністрам замежных спраў нашай краіны Уладзімірам Макеем. Мяркуецца, што будзе абмеркавана не толькі супрацоўніцтва Беларусі і Германіі, але і перспектывы развіцця дыялогу паміж нашай краінай і Еўрасаюзам.
Міністр замежных спраў Германіі возьме ўдзел у “Мінскім форуме-2017”.
