У Беларусі чыноўнікам далі зразумець, што карупцыя эканамічна нявыгадная
У Беларусі чыноўнікам далі зразумець, што карупцыя эканамічна нявыгадная. Пра гэта ў эфіры праграмы "Контуры" на тэлеканале АНТ заявіў намеснік генпракурора Аляксандр Лашын. Новы закон аб барацьбе з карупцыяй пачаў дзейнічаць у нашай краіне з 24 студзеня.
Лашын: "Мы стараліся пры падрыхтоўцы гэтага законапраекта стварыць такую сістэму барацьбы з карупцыяй, каб, у прынцыпе, здзяйсняць карупцыйныя злачынствы было эканамічна нявыгадна. Каб чыноўнікі разумелі, што скарыстаўшыся нейкай шчылінай і атрымаўшы незаконнае ўзнагароджанне, яны страцяць значна больш".
Намеснік генпракурора падкрэсліў, што ад ўзроўня заробкаў не залежыць наяўнасць у краіне карупцыянераў. Ён прывёў у прыклад замежных чыноўнікаў ад спорту, якія маюць вялікія заробкі і ўсё роўна бяруць хабары. Аляксандр Лашын лічыць, што трэба надаваць больш увагі выхаванню ў сям'і і ідэалагічнаму складніку.
