У Беларусі падчас гульні аматарскай хакейнай лігі памёр 60-гадовы гулец
Сяргей Брык / pressball.by
У Беларусі падчас гульні аматарскай хакейнай лігі памёр 60-гадовы гулец Сяргей Брык. У нейкі момант ён страціў прытомнасць на лёдзе. Рэанімаваць яго лекары не здолелі, піша "Прессбол".
Трагічнае здарэнне адбылося 13 лістапада падчас гульні Ice Needlz і "Зоркі". Менавіта за апошнюю і выступаў Брык, ветэран мар'інагорскага хакею. У 2014-2020 гадах ён ачольваў "Зорку", спрычыніўся да папулярызацыі і развіцця аматарскага хакею ў рэгіёне.
