У Беларусі яшчэ 5 чалавек прызналі палітвязнямі
Колькасць палітвязняў расце / shutterstock / Fanni_2021
У Беларусі яшчэ 5 чалавек прызналі палітвязнямі. Гэта — Сяргей Юнчыц, Алена Ляснеўская, Ала Дзясяцік, Таццяна Васільева і Уладзімір Лазарэвіч. Праваабаронцы лічаць іх справы палітычна матываванымі і патрабуюць вызвалення.
Яны асуджаныя і ўзятыя пад варту: Юнчыц — паводле абвінавачвання ў "фінансаванні і садзейнічанні экстрэмісцкай дзейнасці", Ляснеўская — "садзейнічанні экстрэмісцкай дзейнасці", "удзеле ў групавых дзеяннях, што груба парушаюць грамадскі парадак", Васільева — паводле абвінавачвання ў "садзейнічанні экстрэмісцкай дзейнасці", Лазарэвіч — "фінансаванні экстрэмісцкай і тэрарыстычнай дзейнасці", "удзеле грамадзян у ваенных дзеяннях на тэрыторыі замежнай дзяржавы", Дзясяцік асуджаная да трох гадоў калоніі паводле абвінавачвання ў "садзейнічанні экстрэмісцкай дзейнасці", "абразе службовай асобы", "абразе Лукашэнкі", "паклёпе" на яго, "удзеле ў групавых дзеяннях, якія груба парушаюць грамадскі парадак", "здзеку з дзяржаўных сімвалаў".
Агульная колькасць палітычных зняволеных у РБ зноў набліжаецца да 1300.
