У Беларусі з'явілася "Агенцтва знешнеэканамічнай дзейнасці"
Беларускія тавары на выставе СНД / grodnoinvest.by
Па задумцы ўладаў ААТ "Агенцтва знешнеэканамічнай дзейнасці" павінна быць інстытутам, які падтрымлівае знешнеэканамічную дзейнасць беларускіх юрыдычных асоб і ІП за мяжой. Пастанову аб стварэнні агенцтва падпісаў Саўмін.
У дакуменце гаворыцца, што сярод іншага агенцтва будзе "садзейнічання развіццю экспарту і імпарту тавараў". Сярод правоў кампаніі — запытваць у дзяржорганаў і іншых арганізацый інфармацыю аб заключаных дагаворах, а таксама "атрымліваць міжнародную тэхнічную дапамогу, у тым ліку прадастаўляемую шляхам перадачы вопыту і тэхналогій, грашовых сродкаў".
Разам з "Банкам развіцця" агенцтва зможа рыхтаваць праекты прававых актаў.
Пастанова распаўсюджваецца на адносіны, якія ўзніклі з 1 верасня 2023 года.
У Беларусі ўжо ёсць вопыт стварэння спецыяльных структур і агенцтваў, якія павінны дапамагаць эканоміцы. Напрыклад, "Агенцтва па кіраванні актывамі" павінна было дапамагчы праблемным прадпрыемствам.
