У Брэсце адчыніўся першы ў краіне музей мабільнікаў (фота)
У ім прадстаўлена больш за 300 самых розных мадэляў "сотавых".
Як паведамляе партал "Віртуальны Брэст", музей адкрыты для ўсіх ахвотных у сэрвісным цэнтры "Maximum GSM". Такім чынам кампанія вырашыла зрабіць сваеасаблівы падарунак брэстаўчанам да свайго 10-годдзя.
Усе тэлефоны збіраліся каля 10 гадоў, іх прыносілі як жыхары Брэста, так і супрацоўнікі сэрвісу.
Паколькі такой экспазіцыі ў Беларусі больш няма, кіраўніцтва фірмы плануе звярнуцца да ўладаў горада з просьбай уключыць музей у турыстычныя маршруты.
Фота — virtual.brest.by
