У Брэсце плануюць пабудаваць асфальтабетонны завод
У Брэсце збіраюцца будаваць новы завод. На гэты раз не акумулятарны, а асфальтабетонны. І ў эколагаў ужо ёсць пытанні наконт бяспечнасці гэтага праекта.
Згодна з меркаваннем эксперта з "Экадома", "без зніжэння ўзроўню выкідаў забруджвальных рэчываў дадзены аб'ект не можа быць размешчаны на разгляданай тэрыторыі".
Цяпер ідзе грамадскае абмеркаванне праекта ў фармаце анлайн, але да 22 ліпеня ёсць магчымасць арганізаваць публічнае абмеркаванне афлайн. Для гэтага трэба накіраваць заяву ў Брэсцкі гарвыканкам.
