У буйным венесуэльскім порце Ла-Гуайра прагрымеў выбух
twitter.com/ElPitazoTV
У буйнейшым порце Венесуэлы Ла-Гуайра на поўначы ад Каракаса прагрымеў выбух. Гэта адбылося каля поўдня, над портам падняўся слуп дыму.
Сайт elpitazo.net піша, што выбух адбыўся падчас работ па пагрузцы паліва. Марскія пажарныя і выратавальнікі, якія прыбылі ў порт, спрабуюць спыніць распаўсюджанне агню. Пра чалавечыя ахвяры не паведамляецца.
Міжнародны аэрапорт імя Сімона Балівара — асноўны аэрапорт Венесуэлы — размешчаны менш чым у 5 км ад Ла-Гуайры.
#AHORA 12:20 p.m. | Incendio en Puerto de La Guaira se registra en espacios que utiliza empresa de la Gobernación de #Vargas Adoquinvar en momento de entrega de combustible. No se registran perdidas humanas ni lesionados #27Ene - vía @nadeska16. Foto: cortesía Juan Gómez pic.twitter.com/eeBsdiYpGE
— El Pitazo (@ElPitazoTV) January 27, 2019
У Венесуэле працягваюцца вулічныя акцыі, накіраваныя супраць прэзідэнта Нікаласа Мадура. 27 студзеня стала вядома, што Мадура не прыняў ультыматум еўрапейскіх лідараў, якія патрабуюць ад яго прызначыць новыя прэзідэнцкія выбары на працягу васьмі дзён. "Еўропа зноў робіць памылку ў дачыненні да Венесуэлы", — сказаў Мадура.
На думку кіраўніка Венесуэлы, лідар апазіцыі Хуан Гуайдо парушыў канстытуцыю, калі абвясціў сябе часовым выканаўцам абавязкаў прэзідэнта. Пры гэтым Мадура заяўляе, што адкрыты для дыялогу, у тым ліку і з прэзідэнтам ЗША Дональдам Трампам.
