У цэнтры Мінска пройдзе калона "партызанаў" са зброяй
Адбудзецца гэта 3 ліпеня, у Дзень Незалежнасці Рэспублікі Беларусь.
Як інфармуе БЕЛТА, "партызаны" ў адпаведнай экіпіроўцы з унікальнай стралковай зброяй часоў Другой сусветнай вайны пройдуць па сталічным праспекце Машэрава. Дагэтуль "лясных байцоў" на парад 3 ліпеня не запрашалі.
У святкаванні Дня Незалежнасці возьмуць удзел больш за 3700 вайскоўцаў і каля 240 адзінак вайсковай тэхнікі. Плануецца, што ў парадзе паўдзельнічаюць і расійскія вайскоўцы.
На здымку: Партызанскі парад у вызваленым ад нацыстаў Мінску, 1944 год.
