У Глыбокім паставяць помнік вішні
Гэта будзе галінка саспелых вішань з лісточкамі, размешчаная на стылізаванай пад дрэва цыліндрычнай тумбе з сілуміна.
Помнік будзе адкрыты ў нядзелю, 21 ліпеня. У гэты дзень у Глыбокім адкрыецца “Вішнёвы фэст”, які плануецца зрабіць штогадовым.
У праграме фэста — кулінарная выстава, навукова-практычная канферэнцыя, інвестыцыйны форум, спартыўныя мерапрыемствы, выступленне калектываў мастацкай самадзейнасці.
На памяць пра фэст у Глыбокім таксама з'явіцца вуліца Вішнёвая. Яна працягнецца па суседстве з вішнёвым садам, які жыхары горада пасадзілі ў красавіку адмыслова да "Вішнёвага фэсту".
На фота: пляцоўка, на якой праз два дні з'явіцца помнік вішні.
