У Гомелі рынак апанавалі пчолы
![Пчолы на рынку ў Гомелі](/sites/default/files/styles/gallery_main/public/2024-06/photo_2024-06-01_13-22-38.jpg.webp?itok=LXLUYrdx)
Пчолы на рынку ў Гомелі / t.me/gomeltoday
Прудкоўскі рынак на паўночна-ўсходняй ускраіне Гомеля атакавалі пчолы. Велізарны рой кружыўся над гандлёвымі шэрагамі, пішуць "Сильные новости".
"Тут рой пчол. Такое воблака", – распавядае на відэа відавочца.
Адкуль вылецеў гэты рой, пакуль незразумела. Раенне — гэта нармальны для пчол працэс. Яно пачынаецца, калі ў вуллі становіцца занадта шмат маладых пчол — яны адпраўляюцца шукаць новы дом.
Убачыўшы рой, не трэба бегчы ці рабіць рэзкіх рухаў, спакойна адыдзіце ў бок. Калі пчол не раздражняць, яны не будуць праяўляць агрэсіі.
Звычайна рой асядае на дрэве. Пчаляры могуць яго тамака сабраць і аднесці ў новы вулей. У Гомелі ж пчаляр прыйшоў проста на рынак — і шчоткай пачащ збіраць пчол з брыля будынка і іншых паверхняў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.