Кляшчоў у Беларусі стала ў паўтара разу больш. Але паліваць лясы ДДТ — не выйсце
![Будзьце асцярожныя](/sites/default/files/styles/gallery_main/public/2024-06/20190623_161720.jpg.jpg.webp?itok=4TGWLK70)
Будзьце асцярожныя / Еўрарадыё
— Чаго яны так плодзяцца? Можа, дзяржава нарэшце што-небудзь зробіць? — рэагуюць беларусы на навіну пра чарговае нашэсце кляшчоў.
Сітуацыя сур'ёзная: паводле паведамлення Міністэрства аховы здароўя, кляшчоў у Беларусі гэтым летам у 1,6 разу больш, чым летась. А значыць, імавернасць падчапіць ад іх інфекцыю таксама высокая.
— Няма дакладных звестак, чаму кляшчоў у Беларусі робіцца больш, — расказвае Еўрарадыё біёлаг Віталіна Лабанава. — Ёсць тэорыя, што гэта звязана са змяненнем клімату. Павышэнне тэмпературы ў выніку глабальнага пацяплення стварае спрыяльнае асяроддзе для размнажэння.
Некаторыя даследчыкі звязваюць сітуацыю з павелічэннем колькасці грызуноў, крывёю якіх сілкуюцца павукападобныя. Але я б не сказала, што іх стала больш.
![Клещей в Беларуси стало в полтора раза больше. Но поливать леса ДДТ — не выход](/sites/default/files/styles/default_image_paragraph/public/paragraphs/image/934753_736997016338898_785749916.jpg.webp?itok=8nBXMSID)
Ці вядзецца ў Беларусі супрацькляшчовая апрацоўка?
Паводле інфармацыі Міністэрства лясной гаспадаркі, лясы ў Беларусі ад кляшчоў спецыяльна не апрацоўваюцца — "занадта вялікія аб'ёмы ляснога фонду".
— Да таго ж гэта дорага і доўга, — дадае Віталіна Лабанава.
— Самі працаўнікі лесу карыстаюцца рэпелентамі і выконваюць правілы асабістай бяспекі: носяць светлую шчыльную вопратку, запраўляюць нагавіцы ў абутак. Калі трымацца іх прыкладу, усё будзе добра, — раяць у Мінлясгасе.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.