У грэкаў адмянілі адпачынак за працу на камп'ютары
Дагэтуль работнікі дзяржсектара мелі 6 дадатковых дзён да адпачынку, калі працавалі на камп'ютары 5 і больш гадзін у дзень.
Гэтае заахвочванне было ўведзенае ў 1989 годзе і з таго часу не адмянялася, адзначае ВВС.
Міністр па рэформе Кірыякас Міцатакіс заявіў, што гэтая традыцыя належыць мінулай эпосе. Цяпер у рамках палітыкі жорсткай эканоміі ў Грэцыі адмяняюць шэраг ільготаў. У прыватнасці, адмяняюцца бонусы за з'яўленне на працоўным месцы і выплата пенсіі памерлага бацькі яго незамужнім дочкам.
Мяркуецца, што неўзабаве Грэцыя папросіць у міжнародных крэдытораў дадатковыя 10 мільярдаў еўра на выратаванне эканомікі.
Фота — tamtararam.ru
