У Гродне за "экстрэмізм" асудзілі ўладальніка папулярнага сайта

Уладальніка вядомага гродзенскага сайта s13.ru Сяргея Чабоцьку судзілі за распаўсюджванне экстрэмісцкіх матэрыялаў, заўважыў Hrodna Life.

Судовае паседжанне праходзіла ўчора ў судзе Ленінскага раёна горада Гродна.

Справа па арт.19.11 ч. 2 КаАП "Распаўсюджванне, выраб, захоўванне, перавозка інфармацыйнай прадукцыі, якая змяшчае заклікі да экстрэмісцкай дзейнасці або якая прапагандуе такую ​​дзейнасць" разгледзела суддзя Ганна Лявусік.

Што менавіта прысудзілі прадпрымальніку пакуль невядома.

Нагадаем, буйны гродзенскі сайт перастаў абнаўляцца яшчэ 23 кастрычніка. Па гарадскіх чатах папаўзлі чуткі, што яго могуць прызнаць экстрэмісцкім, што ў выніку і адбылося.