У Італіі спяклі піццу даўжынёй у паўтара кіламетра (фота, відэа)

У італьянскім Мілане спяклі найвялікшую ў свеце піццу “Маргарыту” — яе даўжыня склала 1595,45 метра. Такім чынам, быў пастаўлены новы рэкорд па велічыні гэтай стравы. Ранейшае дасягненне, якое, дарэчы, трапіла ў кнігу рэкордаў Гінэса — 1141,5 метра.

Гіганцкую “Маргарыту” вырашылі зрабіць у гонар 126-годдзя вынаходніцтва гэтай стравы.

На прыгатаванне рэкорднай піццы пайшло паўтары тоны памідораў, болей за паўтары тоны сыра мацарэла і літры аліўкавага алею. Усё запякалася ў пяці спецыяльна мадэрнізаваных печах.

Затым страву накрылі на 800 сталах, які паставілі ў адзін шэраг. Гатавалі піццу 80 кухараў, паведамляе mb.com.ph

Фота: АР