Акцыя ў Кіеве ў падтрымку беларускіх і ўкраінскіх палітвязняў (фота)
30 кастрычніка на Майдане Незалежнасці адбыўся пікет у падтрымку 22 украінскіх і 11 беларускіх палітвязняў.
Падчас пікету яго ўдзельнікі запатрабавалі вызваліць палітвязняў. Таксама яны прапанавалі пачаць збор подпісаў па падтрымцы правядзення ва Украіне рэферэндуму па еўраінтэграцыі.
Пасля заканчэння акцыі былі адпраўленыя паштоўкі палітвязням і перададзены зварот ў прадстаўніцтва Еўрасаюза ва Украіне з просьбай спрыяць у вызваленні ўсіх палітычных зняволеных ва Украіне і Беларусі.
Акцыя была прымеркаваная да Дня абароны палітвязняў. Арганізатарамі акцыі выступілі ўкраінскі “Камітэт вызвалення палітвязняў” і беларускі рух "Разам".
Фота — newsradio.com.ua
