У Магілёве і раёне ліквідавалі больш за 100 несанкцыянаваных сметнікаў

На тэрыторыі Магілёва і Магілёўскага раёна санэпідслужба з пачатку года выявіла і ліквідавала больш за 100 несанкцыянаваных сметнікаў, піша "Прыдняпроўская ніва".

Найбольш востра, па словах спецыялістаў санслужбы, праблема несанкцыянаваных сметнікаў адчуваецца ў Магілёўскім раёне. Ён густа заселены, забудовы стаяць з вялікай шчыльнасцю, у раёне шмат садаводчых таварыстваў.

Дарэчы, штраф за парушэнне патрабаванняў заканадаўства аб абыходжанні з адходамі можа складаць да 30 базавых велічынь на службовую асобу і да тысячы базавых — на юрыдычную асобу.