У Мінадукацыі расказалі, якіх настаўнікаў бракуе больш за ўсё
Заняткі матэматыкі, ілюстрацыйнае фота / pixabay.com
Найбольш у беларускіх школах бракуе настаўнікаў матэматыкі і фізікі. Пра гэта заявіла намесніца міністра адукацыі Кацярына Пятруцкая.
"Па гуманітарных спецыяльнасцях мы спраўляемся, а такія дакладныя навукі, як фізіка і матэматыка, па гэтых прадметах маецца шэраг вакансій", — прыводзіць расійскае інфармагенцтва Sputnik словы чыноўніцы.
Таксама Пятруцкая заявіла, што заробкі настаўнікаў пастаянна павышаюцца.
Паводле звестак Дзяржаўнай базы вакансій Беларусі на 7 жніўня, адукацыйным установам патрабавалася 899 настаўнікаў. Як расказвала Еўрарадыё, за апошнія тры гады Беларусь страціла больш за восем тысяч настаўнікаў.
