У Мінску на дзіцячай пляцоўцы знайшлі авіябомбу
Авіябомбу часоў Другой сусветнай вайны знайшлі амаль у цэнтры Мінска 6 лістапада, паведамляе прэс-служба МУС.
Небяспечную знаходку выявіў на вуліцы Брылеўскай, 23 будаўнік падчас работ у катлаване. Ён натыкнуўся на яе рыдлёўкай. Дарэчы, недалёка размяшчаецца стары аэрапорт "Мінск-1".
На месца здарэння прыбылі сапёры выбухатэхнічнага цэнтра ўнутраных войскаў МУС, прадстаўнікі Следчага камітэта і МНС.
Людзей з двара эвакуявалі. Бомбу вывезлі на палігон для знішчэння.
