Пра гэтую крымінальную гісторыю Еўрарадыё распавядала ў красавіку. Міліцыя выпадкова даведалася пра самасуд. Высветлілася, што ўсіх затрыманых, каб яны не аказвалі супраціву, звязвалі, рот ім заклейвалі скотчам. У аднаго з пацярпелых зламаны нос. 38-гадовага мужчыну збівалі ў тым ліку і... малатком. Дарэчы, пацярпелымі былі людзі, якія мелі праблемы з законам.
У дачыненні 40-гадовага дырэктара крамы і 30-гадовага загадчыка аддзела была распачатая крымінальная справа. Як інфармуе сайт nn.by, 13 траўня іх справу пачаў разглядаць суд Ленінскага раёна Мінска. Пад вартай знаходзіцца і адзін з пацярпелых (ён асуджаны на грамадскія працы за скрадзеную гарэлку), іншы — на волі. Дарэчы, судзімасці маюць усе трое (дырэктара крамы раней судзілі за гвалт у дачыненні супрацоўніка ДАІ).
"Ключы ўсунулі ў рот — а куды іх падзець, я ж голы! — і пайшоў так, — распавядае ў судзе адзін з пацярпелых. — Знайшоў кавалак картону ў сметніцы, прыкрыўся. Мяне такога забрала міліцыя ў аддзяленне, там далі нейкую вопратку".
Наступнае пасяджэнне — 21 траўня.