У Мінску затрыманая маці пяцёх дзяцей — "апазналі па фота з нейкай акцыі"
Сям'я Вольгі Бабровай / з асабістага архіву
22 студзеня ў Мінску затрыманая шматдзетная маці Вольга Баброва. Аб затрыманні ў фэйсбуку напісала пісьменніца Ганна Севярынец. Па яе словах, Вольгу запрасілі прыехаць у РУУС "для тлумачэнняў". Пасля гэтага жанчыну адправілі ў ізалятар на Акрэсціна, дзе з-за каранавірусу не прымаюць перадачы. Чацвёра з пяці дзяцей затрыманай — непаўнагадовыя.
"Хаця б фармальна, але хочацца спытацца — за што? Ні за што: нібыта апазналі па фота з нейкай акцыі. Інфармацыю родным не даюць", — піша Севярынец.
Вольга разам з мужам трымаюць інтэрнэт-краму настольных гульняў. Ганна Севярынец прапануе падтрымаць сям'ю Вольгі, купіўшы новую "настолку".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
