У Мінску жанчына не давала камунальнікам спілаваць дрэва, выклікалі АМАП
У Мінску жанчына не давала камунальнікам спілаваць дрэва, выклікалі АМАП. Як паведамляюць праваабаронцы, здарэнне адбылося ў пятніцу ў двары дома па вуліцы Гарадскі вал, 1 (а гэта цэнтр сталіцы, недалёка ад будынкаў МУС і КДБ). Мясцовая жыхарка спрабавала абараніць дрэва, але была затрыманая амапаўцамі. Дзе знаходзіцца жанчына, пакуль невядома.
Падобная гісторыя адбылася ў снежні 2021-га на ПІншчыне, дзе вяскоўцы абаранялі 300-гадовыя дубы, якія збіраліся спілаваць. Таксама для "навядзення парадку" і затрымання актыўнага ўдзельніка акцыі выклікалі АМАП.
