У панядзелак адбылася масіраваная паветраная расійская атака на Украіну
На станцыі кіеўскага метро, 26 жніўня 2024-га / kyiv24.news
У панядзелак адбылася масіраваная паветраная расійская атака на Украіну ракетамі і ўдарнымі дронамі, піша hromadske.ua. Ракетныя ўдары наносіліся найперш па аб'ектах энергетычнай інфраструктуры. Па ўсёй краіне ўводзяць экстранныя адключэнні святла.
Масіраваны ракетны ўдар быў нанесены па Кіеве. Мэр сталіцы Віталь Клічко паведаміў, што ў некалькіх раёнах горада перабоі з электрычнасцю, знікла вада. У Луцку пашкоджаны шматпавярховы дом, ёсць загінулы. Шматлікія прылёты зафіксаваныя ў Львове і Івана-Франкоўску. Агулам пад ударамі былі 15 абласцей, ёсць загінулыя і параненыя.
"Жаданне знішчыць нашу энергетыку абыйдзецца расіянам дорага, іх інфраструктуры", — напісаў ў Telegram кіраўнік Офіса прэзідэнта Украіны Андрэй Ярмак.
