У панядзелак у Беларусі ў школы прыйшло 30-40% вучняў
Міністэрства адукацыі Беларусі выказалася наконт выкарыстання ахоўных масак у школах. Як вядома, у панядзелак пачалася чацвёртая чвэрць.
"Масачны рэжым не ўводзіўся ва ўстановах адукацыі, — цытуе словы прэс-сакратара Міністэрства адукацыі Людмілы Высоцкай БЕЛТА. — Выкарыстанне масак у школе носіць рэкамендацыйны характар".
Пры гэтым вучні павінны выконваць сацыяльную дыстанцыю, у класе сядзець на адлегласці, выключыць поціскі рук.
Раней кіраўнік дзяржавы гаварыў пра тыдзень, за які ўсе школьнікі пасля працяглых канікул павінны ўцягнуцца ў навучальны працэс (бо з-за каранавіруса не ўсе бацькі адпускаюць дзяцей на вучобу). Вучыцца давядзецца і ў суботы. Па звестках Мінадукацыі, у панядзелак на заняткі ў школы прыйшло толькі 30-40% вучняў.
"У сельскай мясцовасці, дзе эпідэміялагічная сітуацыя спакойная, гэты адсотак яшчэ большы", — кажа Высоцкая.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
