У паўфінале Лігі Еўропы "Манчэстар Юнайтэд" перамог "Сельту" — 1:0
У Віга прайшоў першы матч паўфіналу Лігі Еўропы паміж "Сельтай" і "Манчэстар Юнайтэд". Англійскі клуб у ім святкаваў перамогу з лікам 1:0. Адзіны гол у гульні на 67-й хвіліне забіў Маркус Рэшфард, калі прабіваў штрафны.
Сустрэча ў адказ адбудзецца 11 траўня.
Напярэдадні "Аякс" у першым паўфінальным матчы Лігі Еўропы дома разграміў "Ліён" з лікам 4:1.
