У Пінскім раёне загарэўся чарговы аўтобус МАЗ
![Аўтобус, які загарэўся](/sites/default/files/styles/gallery_main/public/2024-05/bus_3_05.jpg.webp?itok=A51F9w0b)
Аўтобус, які загарэўся / @zamkadomby
У Пінскім раёне ўчора згарэў аўтобус МАЗ, паведамляе рэсурс "Беларусь за МКАДам". Інцыдэнт адбыўся на ўчастку дарогі паміж аграгарадком Малоткавічы і пасёлкам Садовым. Рэсурс публікуе фота і відэа з месца здарэння. На відэа аўтобус гарыць адкрытым полымем, а побач стаіць машына хуткай дапамогі. Пра пацярпелых інфармацыі няма.
Нагадаем: апошнія некалькі гадоў інцыдэнты з аўтобусамі МАЗ пачасціліся. У Санкт-Пецярбургу за "схільнасць да ўзгарання" беларускія аўтобусы нават здымалі з лініі. Пазней — пасля дапрацоўкі — іх вярнулі на піцерскія вуліцы. Пры гэтым на кожную машыну спецыялісты МАЗ склалі акт, які "гарантуе яе бяспеку і дае магчымасць допуску да эксплуатацыі".
![В Пинском районе загорелся очередной автобус МАЗ](/sites/default/files/styles/default_image_paragraph/public/paragraphs/image/%D0%A1%D0%BD%D0%B8%D0%BC%D0%BE%D0%BA%20%D1%8D%D0%BA%D1%80%D0%B0%D0%BD%D0%B0%202024-05-03%20105026.png.webp?itok=skfOja4O)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.