У пятніцу і суботу ў Мінску будуць перакрываць рух на праспекце Пераможцаў
У пятніцу і суботу, 7 і 8 ліпеня, у Мінску будуць перакрываць рух на праспекце Пераможцаў. Прычына — міжнародныя спаборніцтвы па веласіпедным спорце на шашы.
Як інфармуе дзяржаўнае прадпрыемства “Сталічны транспарт і сувязь”, у пятніцу рух транспарту на праспекце Пераможцаў спыняць каля 11-й гадзіны раніцы на перыяд старту ўдзельнікаў ад Галерэі Мінск на Заслаўскае вадасховішча і каля 15-й гадзіны на час фінішу спартсменаў. У суботу згаданы праспект будзе закрыты з 12.30 да 13.30. Падрабязна пра змены ў руху грамадскага транспарту гл. тут.
