У Расіі заблакавалі "The Village Беларусь" за артыкул пра абстрэл у Краматорску

Сайт выдання "The Village Беларусь" заблакавалі ў Расіі па патрабаванні Генпракуратуры.

Паведамляецца, што ў спіс забароненых сайт трапіў за артыкул пра абстрэл вакзала ў Краматорску, падчас якога загінулі 50 чалавек. У расійскай Генпракуратуры заяўляюць, што пад выглядам дакладнай інфармацыі распаўсюджваюцца "ілжывыя паведамленні пра акты тэрарызму", якія ствараюць пагрозу жыццю і здароўю грамадзян.

Раскамнагляд патрабаваў, каб выданне выдаліла гэты тэкст, але рэдакцыя адмовілася. 

Раней у Расіі заблакавалі сайты іншых беларускіх СМІ — Еўрарадыё, "Зеркало", "Наша Ніва", "Салідарнасць".