У Роўненскай вобласці таксама будуюць плот на мяжы з Беларуссю

У Роўненскай вобласці Украіны таксама будуюць плот на мяжы з Беларуссю, піша rivne.online.

Цяпер ідуць работы па ўсталяванні агароджы, кажа начальнік Ровенскай абласной ваеннай адміністрацыі Віталь Коваль.

Акрамя таго, украінцы з свайго боку мяжы капаюць супрацьтанкавыя равы і ставяць міны.

Пра будаўніцтва плота на беларуска-ўкраінскай мяжы стала вядома 11 лістапада. Сакратар СНБА Украіны Аляксей Данілаў заявіў, што плот мае не толькі ваенныя мэты — ён павінен яшчэ і стрымліваць плынь нелегальных уцекачоў, якія могуць бліжэйшым часам пайсці з Беларусі і Расіі.