У СК кажуць, што ў Мінскім раёне "экстрэмісты" — "людзі цалкам добрапрыстойныя"
!["Проста паддаваліся эмацыйнаму парыву"](/sites/default/files/styles/gallery_main/public/2023-12/mobile-phone-998871_1280.jpg.webp?itok=Zpf9gKmM)
"Проста паддаваліся эмацыйнаму парыву" / pixabay.com
У Следчым камітэце распавялі пра "экстрэмістаў", выяўленых у Мінскім раёне. "Па нашых назіраннях, даныя дзеянні здзяйсняюць зусім не маргіналы, — расказвае пра рэпрэсіі ў інтэрв'ю pristalica.by начальнік Мінскага раённага аддзела СК палкоўнік юстыцыі Дзмітрый Васілеўскі. — Прыцягваліся да крымінальнай адказнасці па экстрэмісцкіх артыкулах і пенсіянеры, і настаўнікі, і ўрачы, і студэнты — словам, людзі цалкам добрапрыстойныя, якія раней у наша поле зроку не траплялі. Што самае цікавае, большасць затрыманых не з'яўляліся прыхільнікамі экстрэмісцкіх арганізацый, а проста паддаваліся эмацыйнаму парыву пад уплывам дэструктыўных каналаў".
Іх абвінавачвалі ў "абразе" Аляксандра Лукашэнкі, службовых асоб, сілавікоў, у "распальванні варажнечы", разгалошванні персанальных даных. Колькасць асуджаных на Міншчыне прадстаўнік СК не назваў.
![У СК кажуць, што ў Мінскім раёне "экстрэмісты" — "людзі цалкам добрапрыстойныя"](/sites/default/files/styles/default_image_paragraph/public/paragraphs/image/4_98.jpg.webp?itok=5QWAyfyU)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.