У Слуцку затрымалі хлопцаў, якія імітавалі затрыманне падлетка
Узброеныя сілавікі / Кадр з відэа
У Слуцку затрымалі хлопцаў, якія імітавалі затрыманне 15-гадовага падлетка. Так юнака арыгінальна павіншавалі з днём нараджэння. Ролю сілавікоў выканалі ўдзельнікі мясцовага гідрабольнага клуба. І атрымалася даволі пераканаўча, бо падлетак быў перапалоханы. Аднак відэа заўважылі сілавікі і ўжо затрымалі арганізатараў ("галоўных герояў"). На затрыманні выязджала група ўзброеных міліцыянераў пры падтрымцы амапаўцаў. Былі складзены пратаколы аб "дробным хуліганстве". Затрыманыя знаходзяцца ў ізалятары часовага ўтрымання.
Сілавікі пагражаюць наступствамі для ўсіх удзельнікаў дня нараджэння. Яны абяцаюць даць іх дзеянням "прававую ацэнку".
