У суботу чакаюцца кароткачасовыя дажджы, у нядзелю — пераважна без ападкаў
У суботу, 16 кастрычніка, у Беларусі чакаецца воблачнае, днём з праясненнямі надвор'е, паведамляе Белгідрамет.
Уначы і зранку на большай частцы тэрыторыі, а ўдзень месцамі пройдуць кароткачасовыя дажджы. Вецер будзе паўднёва-заходні, заходні ўмераны, уначы і зранку парывісты.
Уначы тэрмометры пакажуць 2-8 цяпла, удзень чакаецца +8...+14.
У нядзелю, 17 кастрычніка, прагназуюць пераменную воблачнасць. Будзе пераважна без ападкаў, толькі па поўначы краіны пройдуць кароткачасовыя дажджы. Вецер будзе заходні ўмераны, па поўначы парывісты.
Уначы тэмпература паветра будзе ад -1 да +6, удзень чакаецца 6-13 вышэй за нуль.
