У суботу па паўднёвым усходзе чакаюцца дажджы і мокры снег

Воблачнае з праясненнямі надвор'е чакаецца ў Беларусі 18 лістапада. Пра гэта агенцтву БЕЛТА паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

Уначы ў асобных раёнах, а ўдзень па паўднёвым усходзе краіны пройдуць кароткачасовыя дажджы і мокры снег. Уначы і зранку ў асобных раёнах будзе туман, слабы галалёд. Вецер прагназуецца паўднёва-заходні 5-10 метраў за секунду.

Уначы тэмпература паветра будзе -3...+3. Удзень слупок тэрмометра пакажа ад нуля да 5 градусаў цяпла.