У суботу ў Беларусі прагназуюць дождж і мокры снег
Мужчына пад парасонам, ілюстрацыйнае фота / pixabay.com
У суботу, 2 лістапада,на большай частцы тэрыторыі Беларусі пройдуць ападкі — дождж і мокры снег, папярэджвае Белгідрамет.
Па паўночна-ўсходняй палове краіны месцамі чакаецца слабы галалёд, на асобных участках дарог — галалёдзіца. Вецер будзе заходні, паўночна-заходні парывісты, часам моцны парывісты. Як і ў пятніцу, яго парывы будуць дасягаць 15-20 метраў за секунду, а месцамі — нават 21-24 метраў за секунду. Сіноптыкі абвясцілі аранжавы ўзровень небяспекі.
Тэрмометры ўначы пакажуць ад -2 па поўначы да +6 па поўдні Беларусі. Удзень прагназуецца ад 0 па паўночным усходзе да +8 па поўдні краіны.
У нядзелю, 3 лістапада, сіноптыкі абяцаюць і снег, і мокры снег, і дождж. Пры гэтым захаваецца моцны парывісты вецер.
Уначы тэрмометры пакажуць ад 4 градусаў марозу да 1 цяпла. А ўдзень чакаецца 0...+7.
