У Турцыі заблакавалі Twitter і YouTube
Акрамя таго турэцкія ўлады планавалі заблакаваць яшчэ і сацсетку Facebook.
Улады Турцыі заблакавалі доступ да сэрвісу мікраблогаў Twitter і відэахостынгу YouTube. Такую пастанову турэцкія правайдары атрымалі ад пракуратуры, перадае ВВС.
Нагодай для блакавання стала тое, што на гэтых сэрвісах з'явіліся фатаграфіі турэцкага пракурора, узятага на мінулым тыдні ў закладнікі баевікамі. Турэцкія ўлады планавалі таксама заблакаваць доступ і да Facebook. Аднак прадстаўнікі сацыяльнай сеткі аператыўна выдалілі спрэчныя здымкі. Агулам за публікацыю гэтых фатаграфій у Турцыі былі заблакаваныя больш за 150 сайтаў.
31 сакавіка супрацоўніка стамбульскай пракуратуры Селіма Кіраза ўзялі закладнікам проста ў зале суда баевікі групоўкі "Рэвалюцыйная народна-вызваленчая партыя". Турэцкія сілавікі змаглі вызваліць пракурора, аднак ён памёр ад атрыманых ранаў.
Фота — vestifinance.ru