“Удар па беларусах?" Як працуюць санкцыі і які ў іх сэнс
Стаўленне да санкцыйнай палітыкі Захаду ў дачыненні да беларускага рэжыму і да саміх санкцыйных спісаў рознае. Адны такую палітыку цалкам падтрымліваюць і выступаюць за ўзмацненне санкцый, іншыя — катэгарычна супраць яе. Ёсць тыя, хто выступае за санкцыі, але не разумее, як і хто ў санкцыйныя спісы трапляе, і тыя, хто папярэджвае: санкцыі ўдараць не па тых, хто вінаваты ў іх з’яўленні, а па простых людзях.
Ці апраўданая санкцыйная палітыка Захаду? Хто, як і за што трапляе ў санкцыйныя спісы? Ці пацерпяць ад санкцый шараговыя беларусы і ці гатовыя яны да гэтага? На гэтыя ды іншыя пытанні адказвае юрыст, сябра асноўнага складу Каардынацыйнай рады, адказны за пытанні юстыцыі Народнага антыкрызіснага ўпраўлення Міхаіл Кірылюк.
