Украіна хоча стварыць буферную зону на мяжы з Расіяй і Беларуссю
Гэтак наша паўднёвая суседка спадзяецца засцерагчыся ад распаўсюду афрыканскай чумы свіней.
Украіна выступае за стварэнне 30-кіламетровай буфернай зоны ўздоўж мяжы з Расіяй і Беларуссю. Гэтая зона павінна быць свабоднай ад пагалоўя свіней. Такая мера мусіць прадухіліць успышкі віруса афрыканскай чумы свіней, перадае interfax.by.
Такое рашэнне разглядалася на пасядэжнні Дзяржаўнай надзвычайнай супрацьэпізаатычнай камісіі Украіны.
Удзельнікі пасяджэння вырашылі забараніць выкарыстанне, вываз і абарачэнне кукурузы, сабранай у зоне абароны і назірання АЧС для кармлення свіней без тэрмічнай апрацоўкі, якая гарантуе знішчэнне ўзбуджальніка.
Фота — volganet.ru
