Украіна і Расія абмяняліся палоннымі праз тэрыторыю Беларусі
Украінскія вайскоўцы, якія вярнуліся з расійскага палону / t.me/V_Zelenskiy_official
Украіна і Расія правялі абмен палоннымі ў фармаце "175 на 175". Абмен адбыўся на тэрыторыі Беларусі.
"Яшчэ 22 абаронцы вяртаюцца дадому дзякуючы мерапрыемствам па-за абменам. Сярод іх цяжкапараненыя і воіны, якіх Расія пераследвала за выдуманыя злачынствы", — напісаў у сацсетках прэзідэнт Украіны Уладзімір Зяленскі.
Паводле яго, сярод вайскоўцаў, якія вярнуліся, — салдаты, сяржанты і афіцэры Узброеных Сіл, ВМС, Нацгвардыі, сіл тэрытарыяльнай абароны і памежнай службы. За пасярэдніцтва пры абмене Зяленскі падзякаваў Аб'яднаным Арабскім Эміратам.
Таксама пра абмен палоннымі заявіла і Мінабароны Расійскай Федэрацыі. Паведамляецца, што расійскія вайскоўцы, вернутыя з палону, пакуль застаюцца на тэрыторыі Беларусі.
