Уладары пярсцёнкаў: падводзім вынікі 2022 года з Паўлам Усавым
Павел Усаў / Еўрарадыё
Рэпрэсіі і шалёныя тэрміны зняволення, эміграцыя і завочныя суды, трансфармацыя рэжыма Лукашэнкі з аўтарытарнага ў таталітарны і накаўтам — вайна. У якой лукашэнкаўцы зрабілі Беларусь краінай-суагрэсарам. А на фоне ўсяго прыгаданага перыядычныя скандалы ў дэмакратычным асяродку.
Што адбываецца з беларускай незалежнасцю і чым пагражаюць расійскія вайскоўцы беларускай дзяржаўнасці? Ці сапраўды перамога дэмакратычных сіл Беларусі наўпрост залежыць ад перамогі над расійскімі акупантамі ва Украіне? Ці перахопяць новыя “цэнтры сілы” палітычную ініцыятыву ў Офіса і Кабінета? Гэтыя ды іншыя тэмы абмяркоўваем у штотыднёвым жывым эфіры Еўрарадыё з кіраўніком варшаўскага Цэнтра палітычнага аналізу і прагнозу, доктарам палітычных навук Паўлам Усавым.
