Унутраная акупацыя: як з ёй змагацца і пры чым тут санкцыі — стрым з Халезіным
Час ідзе, а істэрыка з боку беларускага рэжыму наконт ворагаў як унутраных, так і знешніх не толькі не сціхае, але і ўзмацняецца. І колькасць тых ворагаў толькі павялічваецца. Якім трэба супрацьстаяць разам з адзіным “сябрам” — Расіяй. Узмацняючы рэпрэсіі ўнутраныя. Рэжым дзейнічае так, як і любы акупацыйны рэжым. Толькі акупацыя ў нас атрымліваецца ўнутраная.
Ці можна пра сітуацыю ў краіне гаварыць як пра ўнутраную акупацыю і што ёй можна супрацьпаставіць? Як ва ўмовах супрацьстаяння захаваць “маральнасць”? Гульні Захаду з Масквой — чым яны небяспечныя для Беларусі? На гэтыя ды іншыя пытанні адказвае арт-дырэктар Беларускага свабоднага тэатра, праграмны дырэктар Creative Politics Hub Мікалай Халезін.
