Увечары 26 жніўня ў Мінску зноў перабоі з мабільным інтэрнэтам
У Мінску ўвечары 26 жніўня зноў пачаліся перабоі з мабільным інтэрнэтам у розных аператараў.
Кампанія А1 папярэдзіла абанентаў, што з 20:40 якасць мабільнага інтэрнэту ў Мінску пагоршыцца па патрабаванні дзяржорганаў.
"У адпаведнасці з распараджэннем упаўнаважаных дзяржаўных органаў 26 жніўня з 20:40 на тэрыторыі г. Мінска будзе зніжана прапускная здольнасць мабільнага інтэрнэту. Вынікам выканання дадзенага патрабавання стане істотнае пагаршэнне якасці сэрвісу перадачы даных або часовая недаступнасць паслугі", — паведамілі ў кампаніі.
Пазней карыстальнікі паведамілі аб праблемах з мабільным інтэрнэтам у карытальнікаў МТС.
Каля 20:30 на плошчы Незалежнасці ў цэнтры сталіцы АМАП разагнаў мірную акцыю пратэсту і затрымаў людзей.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
