Ужо чатыры банкі заблакавалі карткі "БСБ Банка"
Ужо чатыры банкі заблакавалі разлікі па картках "БСБ Банка", пра гэта паведамляецца на сайце фінансавай установы. Еўрарадыё распавядала, што зранку 16 чэрвеня карткі заблакавалі БПС-Сбербанк і Белагрампрамбанк. Цяпер да гэтага далучыліся Белінвестбанк і Пріорбанк. "Такім чынам, не праходзяць аперацыі ў арганізацыях гандлю па тэрміналах, у банкаматах названых банкаў і на заправачных станцыях", — гаворыцца на сайце "БСБ Банка".
З карткі "БСБ Банка" ўжо немагчыма аплаціць мабільную сувязь velcom: гэты аператар абслугоўваецца ў Пріорбанку.
Акрамя таго, банк публікуе аператыўную інфармацыю пра наяўнасць грошай у банкаматах. У выпадку, калі грошы ў якім-небудзь з банкаматаў скончацца, банк абяцае іх папаўняць.
Як паведамлялася раней, з 26 чэрвеня "БСБ Банк" пазбаўляецца ліцэнзіі на аперацыі з фізічнымі асобамі. Адміністрацыя банка папрасіла кліентаў — фізічных асобаў зняць грошы з картак да 25 чэрвеня.
