Ва Украіне загінуў былы жыхар Светлагорска, ён ваяваў у шэрагах вагнераўцаў
Загінулы светлагорац Марат Суўханаў / gomelspring.org
На вайне ва Украіне загінуў былы жыхар Светлагорска Гомельскай вобласці, піша "Гомельская Вясна".
Паводле звестак праваабаронцаў, у 2008 годзе Марат Суўханаў закончыў светлагорскае гарадское ПТВ №50 хімікаў. Потым ён працаваў вахтавым метадам у расійскай буравой кампаніі.
У Расіі маладога чалавека затрымалі і асудзілі паводле "наркатычнага" артыкула Крымінальнага кодэкса. Падчас адбыцця пакарання Марат на ўмовах амністыі завербаваўся ў прыватную ваенную кампанію "Вагнер".
Некалькі дзён таму стала вядома пра гібель маладзечанца, які таксама ваяваў ва Украіне на баку Расіі.
