Венгерская апазіцыя заяўляе аб правале рэферэндуму аб бежанцах
У Венгрыі 2 кастрычніка прайшоў рэферэндум аб мігрантах. Каля 98% удзельнікаў рэферэндуму выказаліся супраць намераў Еўрасаюза размясціць у краінах-сябрах блока 160 тысяч мігрантаў. Прычым 1294 бежанцы павінны быць размешчаныя ў Венгрыі. Гэта бежанцы з Сірыі, Ірака ды іншых краін Блізкага Усходу і Паўночнай Афрыкі, інфармуе Бі-Бі-Сі.
Апазіцыя звяртае ўвагу, што на рэферэндум прыйшло 43% выбарцаў, якія маюць права голасу. А неабходны мінімум, згодна з законам, складае 50%. Таму апазіцыя заяўляе, што вынікі рэферэндуму незаконныя.
Тым не менш прэм'ер Віктар Орбан назваў вынік галасавання вычарпальным і з палітычнага пункту погляду, і з пункту погляду законнасці. Ён намераны ўнесці ў канстытуцыю краіны змены, неабходныя для таго, каб вынік рэферэндуму быў прызнаны абавязковым да выканання.
Пытанне, вынесены на рэферэндум, гучала так: "Ці хочаце вы, каб Еўрапейскі саюз меў права ў абавязковым парадку перасяляць асоб, якія не з'яўляюцца грамадзянамі Венгрыі, у Венгрыю нават без ухвалення Нацыянальнай асамблеі [нацыянальнага парламента]?"
