Відэа: У Гомелі вучыліся садзіць верталёт Лукашэнкі
30 траўня ў цэнтры Гомеля на вуліцы Арцёма прызямліўся вайсковы верталёт. Як піша сайт gomel.today, верталёт праляцеў над цэнтрам горада на невялікай вышыні. Побач з месцам пасадкі дзяжурыў мікрааўтобус міліцыі.
Як удакладняе партал tut.by, гаворка ідзе пра вайсковы верталёт Мі-8. Яго пасадка ў цэнтры горада адбылася ў рамках вучэнняў па прыбыцці верталёта Аляксандра Лукашэнкі. Праўда, сам кіраўнік дзяржавы, як паведамляецца, у Гомель пакуль не збіраецца — вучэнні планавыя.
