Віктар Ганчарэнка працягнуў кантракт з ЦСКА
42-гадовы беларускі спецыяліст Віктар Ганчарэнка працягнуў на яшчэ адзін сезон кантракт з расійскім футбольным клубам ЦСКА. Ён стаў яго галоўным трэнерам у канцы 2016 года. За гэтыя гады армейцы захоўваюць пазіцыі сярод лідараў расійскага футбола, а вось да чэмпіёнства падабрацца не могуць, двойчы бралі срэбра, заваёўвалі і Суперкубак.
Ганчарэнка называе ЦСКА "вялікім" клубам. Там для яго ўсё "стала родным". "У нас перспектыўная маладая каманда, высокая канкурэнцыя ў лізе, — цытуе словы трэнера прэс-служба армейцаў. — Гэта па-свойму заводзіць. Хочацца, каб мы падымаліся як мага вышэй...".
Дарэчы, гульцы ЦСКА і трэнеры здалі тэсты на каранавірус. Вынікі — адмоўныя.
Віктар Ганчарэнка — былы галоўны трэнер БАТЭ. Пад яго кіраўніцтвам беларускі клуб упершыню выйшаў у групавы раўнд футбольнай Лігі чэмпіёнаў.
#ЦСКА продлил контракт с #ВМГ до окончания сезона-2020/21!
— ПФК ЦСКА Москва (@pfc_cska) May 20, 2020
: https://t.co/bxl9JC4Sn7 pic.twitter.com/uLhAmmoyZO
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
